Davenne, François [?] [1649], SOVSPIRS FRANÇOIS, SVR LA PAIX ITALIENNE Iouxte la Copie imprimée à Anuers. , françaisRéférence RIM : M0_3710. Cote locale : B_20_38.
C’eust esté peu des cruautez, on a veu iusques dans les Temples D’effroyables impietez, Qui iamais n’auoient eu d’exemples. On y a veu loger les hommes & cheuaux, Et au lieu d Autels, leur mangeoire, Et au lieu d’actions de gloire, On a veu les Demons dans ces hommes brutaux Faire là des excés, & vomir des blasphemes, Qu’ils n’oserent iamais au fond des enfers mesmes.
On a veu ces monstres nouueaux, Des aubes faire des chemises, Et des housses à leurs cheuaux, Des saincts ornemens des Eglises, Iusqu’au pied des Autels on a veu ces voleurs Forcer les filles & les femmes, Auec des traittemens infames, Sans respecter le lieu, ny Dieu, ny les Pasteurs, Qui voulans s’opposer à ces horribles crimes, De Prestres qu’ils estoient, ont esté faits victimes.
Ah, François ! où est vostre cœur ? Où est le sentiment fidele, Qui doit armer votre valeur Contre vne rage si cruelle ? Et quoy, souffrirez-vous qu’vne bande de gueux Se vante, que votre Patrie Souffre d’eux d’estre ainsi flêtrie,
| |||||