tous ces desordres, pourueu qu’il plaise à vostre
Maiesté d’en rendre le succez heureux, d’en faciliter
vne execution glorieuse & prompte, de restablir
dans vos villes le commerce & l’ordre, &
d’escouter la voix & les cris de tant de peuples qui
n’auroient plus rien à perdre, si on leur auoit osté
iusques à la liberté de se plaindre. Nous esperons
tous de vostre bonté, Madame, & nous la supplions
tres-humblement de songer qu’on allume vn feu
que les mauuais Ministres ne veulent éteindre qu’auec
nostre sang, mais dont la fin ne peut estre que
tres dangereuse, quoy qu’elle soit tres-incertaine :
que nous vous demandons grace ou plustost iustice,
que nous auons accoustumé de la demander à Dieu,
quand les puissances du monde nous la refusent, &
que c’est luy qui iuge aussi bien les Souuerains que
les peuples.

D. B.