faire passer, on n’espargna ny la liberté des Princes, ny
les conquestes des Grands, ny l’authorité des Iuges, ny le
Ministere des Prelats, ny le caractere des Prestres, ny les
Priuileges de la Noblesse, ny le sang du peuple. Les Intendans
de Iustice furent enuoiez dans les Prouinces pour
violer ou pour abolir iusque au droit des gens : les Sacrificateurs
qui refuserent d’estre des Loups, furent immolez
à la tyrannie comme des Aigneaux, & comme des victimes
d’expiation, & ceux qui ozerent murmurer contre
ce decret, furent declarez Rebelles, & n’ont esté gueres
mieux traittez que des Incendiaires & des Parricides.

Quoy que cét horrible & ce nouueau Legislateur d’eut
estre en execration à tous les hommes, il s’en est veu cependant
qui se sont empoisonnez de ses maximes, & comme
on dit que ceux qui se frottoient les mains au Colonnes
du Temple de cette Diane Orientale qui estoit basty dans
Athenes, en rapporteroient l’odeur & la couleur du saffran,
il s’est trouué que ceux qui se sont frottez à sa robbe,
pour rappeller nostre vieux Prouerbe, en ont rapporté toutes
les tasches.

Apres auoir espuisé toutes les finances de l’Estat, apres
auoir fait autant de pauures qu’il y a de sujets dans ce Royaume,
il semble qu’il ait eu dessein de se ioüer mesme
de Dieu. Il a fait venir de nouueaux Religieux qui ont
fait vne foire sainct Germain de leur Eglise, vn Theatre
de leur Autel, qui ont introduit des Marionettes pour
des Saints, & qui commençoient à faire vne farce de nos
plus Augustes mysteres, dans la creance qu’ils ont euë
qu’ils ne pouuoient luy plaire plus auantageusement qu’en
changeant la Religion en Comedienne. Il les auoit desia
logez de ses impietez & de ses larcins, & consacroit à Dieu
vn Temple de ses saletez & de ses crimes, comme ces malheureuses