du Duc d’Elbeuf, lequel pretendoit auoir ce
Gouuernement, la Cour le luy ayant fait esperer
pour auoir vn lieu de retraire asseuré en cas que
la defaite du Mareschal de Turenne les obligeast
de quitter Compiegne.

Dimanche 8. du courant, le Comte de Palleau
ayant eu aduis que le bagage de l’Armee
des Princes estoient au de ça de l’eau, & qu’il y
auoit peu de monde à le garder, fit detacher
huict cens Caualiers commandez par le sieur de
Montbas, Gouuerneur de Corbeil : mais le sieur
Godoüin qui commandoit audit bagage, ayant
eu aduis de leur passage, depescha vn Courrier à
S. A. R. pour auoir du secours, & le supplier de
faire tenir les Portes de la Ville libres. Son A. R.
enuoya ses ordres aux Portes de S. Victor & S.
Marcel, de laisser sortir les volontaires & entrer
ledit bagage en cas qu’il y fut obligé. Cependãt
les Ennemis parurent, & le sieur Gedouin fit
filer le bagage du costé de Paris, faisant teste aux
Ennemis auec les Gens-d’armes, Cheuaux legers
& le Regiment d’Infanterie de Valois Le
combat fut rude d’abord, & les nostres se voyãt
moins en nombre se battirent en retraitte auec
beaucoup de courage, deux cens volontaires
sortirent de Paris auec le drapeau blanc, qui est
l’Enseigne des volontaires de l’Isle du Palais, qui