treuueriõs en nous des sujets de desespoir & de
rage. A t’on iamais veu vn Coadjuteur si peu
estimer les presens & les biens qui doiuent le
rendre le premier Pasteur d’vne ville ? A t’on iamais
veu vn Prestre se mesler d’intrigues auec
les femmes, & quitter l’Autel pour cajoler
dans les ruelles de lict ? A t’on iamais veu vn
Archeuesque prescher dans des Eglises pour
animer le peuple à la destruction de ses ennemis ?
A t’on iamais veu vn Cardinal si ruse &
si adroit à composer des libelles seditieux qui
declaré criminels d’Estat ceux qu’il declaroit innocens
il y a vn an ? Pourquoy dõc en nous plaignant
de nostre robbe de deuil, ne nous plaindrons
nous pas des caballes de celuy qui nous
la fait porter ? il y a long-temps que nous reconnoissons
les visites trop frequentes qu’il
rend à la Duchesse de Chevreuse, à la Marquise
Dampu & à Madame de Rhodez. Les visites
nocturnes qu’il faisoit à la derniere, ne luy
ont-elles pas causé vne maladie mortelle ? tout
le monde sçait qu’il n’osoit la voir pendant le
iour, & que quand il y alloit la nuict, il falloit
auoir deux carosses pleins d’hommes, lesquels
auec des mousquetons estoient aux aduenuës
des ruës d’Orleans & des vieilles Estuues.
Les bourgeois du quartier de la Croix du
Tiroir & des enuirons de l’Hostel de Soissons

page précédent(e)

page suivant(e)