Anonyme [1652 [?]], TRES-HVMBLE REMONSTRANCE FAITE AV ROY, Par Mr. l’Euesque d’Auranches sur les actes d’impieté, sacrilege, volleries, & violements qui se commettent tous les iours és enuirons de la ville de Paris. de puis l’arriuée de sa Majesté à Saint Germain en Laye. , françaisRéférence RIM : M0_3823. Cote locale : B_1_30.
-- 5 --
c’est vn oporter, & nostre profession & ministere
est de non excusare excusationes in peccatis, tels cas
ont esté menacez de Dieu par la bouche du Prophete
Roy ; c’est pourquoy nous ne loürons ces
execrables aux desirs de leurs ames, & estans iniques
nous ne leur donnerons point de benedictions,
vous cacher des veritez si pressantes, seroit-ce
pas vn crime aux trompettes veritables
d’vn Dieu, puis qu’ils y sont engagez, puis qu’il
est leur tout & leur heritage, puis qu’il y va de
son interest, il ne nous est pas possible ? nous implorons
pour cela son assistance comme fist Hyeremie,
confundantur qui nos persequuntur, paueant
illi, induc super eos diem afflictionis, & duplici contritioni
contere eos. Criez, dit saye, ne cessez, exaltez
vostre voix comme vn Cleron, & annoncez
à mon peuple leurs meschancetez, & leurs pechez
à la maison de Iacob, SIRE, nous vous reconnoissons
en la personne de Iacob, & Iacob en vostre
personne deuant le Thrône de vostre Iustice
pour vous demander vengeance des crimes les
plus espouuentables & les plus noirs que la France
aye iamais entendu : quoy professans vn mesme
Dieu, mesme Foy, vn mesme Roy, pouuez-vous
souffrir de l’oreille vne representation si hydeuse.
Si quelqu’vn de la maison Royala a commis
quelque action mauuaise les Loix commandent
|