generosité qui luy est toute particuliere, rebute
tout autre recherche que celle des plus illustres,
& ne peut admettre que des Roys, des Princes,
& des Souuerains au nombre de ses seruiteurs.
Aussi les veritez qu’elle enseigne sont bien differentes
des autres. Elles s’apprenent mieux dans
les Cours que dans les Escholes. Ses meilleures
leçons se font dans vn camp, & non dans vne
chaire : & c’est auec l’espée que se decident ses plus
hautes & importantes matieres. Les Theses que
ie presente à Vostre Altesse, quelque clarté qu’elles
puissent auoir, & quelque forte que soit la verité
qu’elles contiennent, elles ont neantmoins besoin
des lumieres de vostre Esprit, & de la force
de vostre Bras pour estre estalées & soustenuës
en public. Il y a veritablement certaines Maximes
qui sont generalement receuës de tous les hommes :
la verité qu’elles contiennent estant si pure,
b/> qu’elle se fait voir toute entiere. Vous sçauez,
Monseigneur, que la Nature a planté dans l’entendement
l’habitude des premiers principes, par
laquelle il est porté par vn instinct plustost que
par son propre mouuement à embrasser la verité
dés aussi-tost qu’elle paroist à ses yeux, par la
seule exposition des termes qui la couuroient comme
vn voile transparent & bien delié : neantmoins

page précédent(e)

page suivant(e)