Anonyme [1649], SVPPLICATION FAITE AV ROY, POVR AVANCER LE PROCEZ DES PARTISANS ET FINANCIERS de son Royaume. , françaisRéférence RIM : M0_3732. Cote locale : C_10_23.
page précédent(e)

page suivant(e)

-- 4 --

dans vne âge qui semble n’auoir
aucun commerce auec la vertu promettez
à toute la France d’estre le
plus iuste de tous vos predecesseurs ;
C’est a vostre Majesté que s’adresse
cette supplication pour la prier de
ietter son œil de misericorde sur la
face de ce Royaume & de parcourir
toutes ses Prouinces, & s’arrester vn
peu de temps à contempler le deplorable
estat dans lequel sont reduits
tant de millions de vos pauures sujets
qui nuict, & iour gemissent accablez
sous le faix de tant de miseres & de
malheurs. Mais aussi qu’il luy plaise
de tourner d’vne autre part celuy de
sa colere & de son iuste courroux sur
ces infames Partisans, & sur tous les
fauteurs & adherans de ces inhumains
Financiers pour faire examiner,
leurs actions & mœurs desreglez.

 

N’est ce pas vne chose monstrueuse,
Sire, de voir des personnes de neãt



page précédent(e)

page suivant(e)