Anonyme [1649 [?]], STOMACHATIO BONI POPVLARIS. , latinRéférence RIM : M0_3719. Cote locale : A_4_34.
page précédent(e)

page suivant(e)

-- 7 --

salutis dispendio conamur. Et erunt Galli (nam eo redeundum
est sæpius) erit Parisiensis quispiam ; & quid appello
Parisienses ? Erit A quitanus vel quisquam ; erit qui
Garumnam, qui Rhodanum, qui Ligerim bibat ; qui flagitiosissimi
Siculi dominatum vltrà velit sustinere. Senatores
Amplissimi, qui Tholosæ, qui Rotomagi, qui Burdigalæ
cæterarumque Prouinciarum Ciuitates regitis : generosissimi
ciuitatum defensores, qui Inclytam Lugdunum, qui Augustam
Pictonum, qui Massiliam, qui Trecas reliquàsque potentissimas
vrbes tuemini : Academiæ illustres Aureliæ, Biturigum,
Andium, aliæque ad quas tot nobilissimi adolescentes
ex variis gentibus confluxerunt ; capessite & vos Rem
Gallicam nobiscum : accedite consiliis sententiisque nostris :
huc accingat se Nobilitatis ordo : huc religiosissimi Antistites :
huc Ecclesiastæ : huc omnis Sacerdotum ac Cœnobitarum
Chorus, quorum præcipue votis piaculum hoc publicum
procurari debet. Cæterùm palam fiat vniuerso Orbi Christiano
nihil à nobis neque in Monarchia, neque in perpetua Regum
nostrorum successione & agnatione immutandum proponi
vel cogitari. Suas Britanni, suas Neapolitani turbas
discutiant. Nihil simile molimur. Si quis Gallus quicquam
tale vel attentet, vel somniet, capitale esto. Facessat odiosissimus
Siculus. Repetat suam Basilicam cum toto comitatu,
vnde sponte discessit, Serenissima Regina. Quod ad innocentissimum
Regem pertinet ; vbicunque ille sit, eum animis,
cogitationibus, ac votis comitamur, ac prosequimur ; preces
publicas atque priuatas pro ipsius incolumitate ac laudabili
educatione, ex intimis pectoribus fundimus : eum denique
felicissimum diem, quo in vrbem redierit, sempiterna gratulatione
consecrabimus.

 



page précédent(e)

page suivant(e)