de Cœuures qui commença dés son premier âge à se signaler
entre les gens de guerre, y ayant esté tué pour nostre
seruice : & ainsi que fait encore à present son autre
fils de marquis de Cœuures qui n’a perdu depuis qu’il est
aupres de nous vne seule des occasions qui se sont offertes,
qu’il n’ait charge d’y acquerir de l’honneur, pour estre imitateur
des vertus & reputation de ses Ancestres, POVR CES
CONSIDERATIONS susdites, tant celles qui sont de l’interest
dudit Cesar nostre Fils, que celles de la personne &
merites de ladite Dame Marquise de Monçeaux, & de ses
seruices, que nous & cét Estat auons reçeus de ceux de sa
Maison, nous sentans obligez de l’aduantager, non seulement
en biens, mais en quelque garde d’honneur qui soit à
elle & aux siens vne remarque de l’affection paternelle &
bien veillance que nous luy portoni ; la grace que nous luy
voulons de partir estant d’autant plus fauorable au bien que
nous luy voulons, & à la reconnoissance deuë à ses merites,
& aux seruices de ceux de sa maison est coniointe la charité
naturelle que nous portons au bien & auancement dudit Cesar
nostre Fils qui la doit recueillir, comme si dés à present elle
estoit faite en sa propre personne : Nous auons desiré, d’orner
& decorer ladite Dame Marquise de Monçeaux d’vn
titre d’honneur, encore plus grand que celuy qu’elle porte ;
ayant estimé auoir rencontré vn suiet propre d’accomplir
cette nostre volonté, par le moyen de l’acquisition
qu’elle a nouuellement faite du Comté de Beaufort en
Chanpagne, & des appartenances, qui est vn des plus anciens
Comtez de ce Royaume, & de la Baronnie de Iaucourt
qu’elle desire y ioindre ; terres si nobles & si priuilegiées ;
que les appellations des Iuges d’icelles ont ressorty
de toute ancienneté, comme elles ressortissent encores de

page précédent(e)

page suivant(e)