Anonyme [1652], SECOND EXTRAICT DES REGISTRES DV PARLEMENT, CONTENANT Ce qui s’est passé pour l’esloignement du Cardinal Mazarin, par Messieurs les Deputez. Depuis le 25. Iuin, iusques au iour de leur retour de sainct Denys. , françaisRéférence RIM : M0_3608. Cote locale : B_12_49.
page précédent(e)

page suivant(e)

-- 10 --

que le Cardinal Mazarin auroit satisfait à la Declaration de sa
Majesté, ils executeroient sincerement & de bonne foy, tous les
ordres qu’il plairoit à sa Majesté de leur prescrire, estant en disposition
de luy obeyr entierement, sans auoir aucune condition à
concerter ou proposer, que la sousmission entiere à ses commandemens.
Quant au Commandement qu’il plaisoit à sa Majesté de
nous faire, de demeurer à sa suitte, qu’il y auoit trois sepmaines
que nous y estions, sans auoir pû receuoir l’effect de nos demandes,
la prions de nous en dispenser : Le Roy nous dit de sa bouche,
qu’il falloit le suiure, & n’en plus parler ; Nous le suppliasmes de
nous permettre de nous retirer dans son Parlement, qui nous y
rappelloit par diuers Arrests, pour y exercer nos charges : Et
nous retirasmes.

 

Le lendemain Mercredy dix septiesme, nous fusmes voir Monsieur
le Garde des Sceaux comme le Roy partoit de sainct Denys.
pour le prier de faire nos excuses à sa Majesté, si nous ne pouuions
le suiure, & luy faire agréer que nous nous retirassions à Paris pour
y faire nos charges ; Il nous dit qu’il en parleroit au Roy : Sa Majesté
nous manda par le sieur de Saintot, qu’elle trouuoit bon que nous
demeurassions à sainct Denys iusques à ce que nous eussions receu
ses ordres, & escriuissions au Parlement, à Monsieur le Duc d’Orleans
& à Monsieur le Prince, pour apprendre leur resolution, &
la faire sçauoir à sa Majesté ; Surquoy nous escriuismes au Parlement,
& receusmes son Arrest le dix-septiesme, nous mandant de
reuenir à Paris, que nous enuoyasmes au Roy par homme expres,
& luy rendismes compte comme Monsieur le Prince nous auoit
fait l’honneur de venir à sainct Denys, & nous dire que Monsieur
le Duc d’Orleans & luy, auoient declaré au Parlement qu’ils n’auoient
rien à adjouster de nouueau aux Declarations qu’ils auoiẽt
si souuent faites, & aux Lettres qu’ils nous auoient escrites, & dont
nous auons rendu compte à sa Majesté, & que l’intention du Parlement
estoit que nostre Deputation estant finie, nous retournassions
à Paris.

EXTRAICT DES REGISTRES
de Parlement.

Du dix-septiesme Iuillet 1652.

CE iour la Cour, toutes les Chambres assemblées ; Monsieur
le Duc d’Orleans, Oncle du Roy, & le Sieur Prince de Condé



page précédent(e)

page suivant(e)