Anonyme [1649], REVELATION POVR LA PAIX, Du Reclus du mont Valerien, à vn bon Religieux. Faite le 9 de ce mois. , françaisRéférence RIM : M0_3542. Cote locale : C_9_79.
page précédent(e)

page suivant(e)

-- 5 --

en faire la deduction. Ie vous diray seulement
que Messieurs de Paris ennuyez des fatigues d’vne
longue guerre, dont ils attribuoient la cause à
Monsieur le Cardinal, s’estoient en quelque façon
souleuez, non pas coutre le Roy, ny la Reine,
ny Messieurs les Princes, mais seulement contre
luy : Ce qui l’a obligé de gaiguer les bonnes
graces de la Reine, de Monsieur le Duc d’Orleãs,
de Monsieur le Prince, de quelques autres Princes
& Seigneurs ; & de retirer deux fois le Roy
hors de Paris, auec quelques petites particularitez
que ie ne vous dis pas, pour n’estre pas trop necessaires.
Mais seulement qu’aidé par les armes
de Monsieur le Prince, il auoit fait prendre tous
les passages de Paris, empesche les viures d’y entrer,
& en quelque façon assieger Paris, dont le
siege dure desia depuis 2. mois ; la derniere sortie
du Roy ayant esté le iour des Roys, les Parisiens,
& sur tout le menu peuple, souffrant des-ja beaucoup
pour cette absence. Voyla mon bon Frere,
le recit succinct de ce qui s’est passé, vous m’obligerez
bien de m’en dire vostre aduis.

 

Le Reclus.

Mon reuerend Pere, ie voudrois que mon aduis
pût vous estre profitable. Ie vous diray seulement
que i’attribuë tous ces desordres, non pas



page précédent(e)

page suivant(e)