REVELATION D’VN BON HERMITE :
Sur la prochaine Paix generale & deliurance de Paris.
AMY Lecteur, ayant vn desir extréme de contribuer
de ma part quelque chose au contentement
& à la ioye du public ; i’ay bien voulu te
faire participant de la Reuelation d’vn bon &
deuot Hermite, laquelle durant ces calamitez presentes
te doit fournir vn sujet capable de te réioüir & te consoler.
Connoissant donc de longue main ce bon Pere, dont
ie tais le nom & la demeure, à cause de sa modestie ; mesme
en ayant tousiours fait grand cas pour sa pieté & autres
vertus, ie me suis rendu si familier auec luy, qu’il n’a
point de difficulté à me découurir ce qu’il a de plus secret
dans l’ame. Depuis quelques iours estant venu à
Paris pour me voir, & apres quelques discours ordinaires
sur les troubles publics, me declara en cette sorte ce
qui luy estoit aduenu pendant les douceurs d’vn paisible
sommeil. Apres auoir acheué mes prieres, dit-il, & bien
versé des larmes, mes sens ne me sembloient qu’à demy
assoupis, tant les choses que ie vay vous apprendre, paroissoient
sensibles à mes oreilles & visibles à mes yeux,
lors que i’entendis vne voix qui s’addressa à moy en ces
termes : (Prens courage, tu auras en bref du soulagement
en tes trauaux, vn malheur estranger va causer la deliurance
de Paris :) Et à mesme temps, poursuiuit-il, ie vis
comme durant le serein d’vn beau iour, au plus haut de
l’air les Bannieres resplendissantes de l’Eglise Romaine,