& ce qu’on tiroit de tes maisons de campagne,
l’on l’employoit pour te perdre chez toy,
Quel Roy t’eust iamais traitté de la sorte, quelle Reyne,
encore plus outragée s’il se peut, eust peu souffrir
tant de miseres franchissons le mot, cent & cent Mazarins,
c’est à dire aussi mauuais esprits qu’on te forge
estre le sien, n’auroient iamais en dix ans fait
tant de mal, commis tant de crimes, ny ruiné tant de
monde, comme ont fait ceux que tu appelle, Paris,
tes protecteurs.

Iusques icy, qu’on fait & que font encore tes
gardes à tes portes, sinon mettre & laisser les armes
és mains d’vne populace agitée tousiours de
nouueaux mouuemens, ou personne ne veut obeïr,
chacun veut estre maistre, & se croit estre autant ou
plus considerable que celuy qui luy veut donner
l’ordre.

C’est nourrir la liberté parmy tes artisans, qui ne
reuiennent qu’à regret à l’ouurage, c’est fomenter
l’esprit de rebellion, c’est entretenir les desordres
passez : combien à tes portes s’est il fait desmeutes
mal à propos, de surprises, ou plustost de prises &
de pilleries iniustes sous de faux pretextes & de fausses
apparences, il n’a pas esté permis d’emmener rien
pour ton Roy, ses fidels suiets n’ont pas eu la liberté
d’emporter leur argent pour luy aller rendre leurs
seruices, l’on a foullé sans raison & recherché sans
respect, iusques dans les biaires des morts, mesme de
pauures Religieuses qu’on reportoit au tombeau de