entier de l’esprit des hommes à l’ordre qu’il a
estably dans la terre, non pas seulement à la diuersité
des saisons de la nature : mais aussi aux puissances
qu’il a ordonnées dans le monde, ausquelles il
faut rendre vn Religieux respect, vne obeissance
parfaitte, & vne soubmission entiere de l’esprit qui
ne censure point leurs desseins, ne combat point
leurs entreprises, execute leurs volontez & accomplisse
leurs commandemens quels qui soient dans
leurs mœurs & dans leurs vies, & quoy qu’ils commandent
qui ne soit point contre Dieu.

Paris, tu demande à Dieu qui tient le cœur du Roy
dans sa main, qui le conduise, & tu ne veus pas
suiure les ordres veritable qu’il te donne, tu ne
veus pas te soubmettre à ton seul Monarque, &
tu te rends captiue de ceux a qui tu ne dois point
d’obeïssance, tu te plains d’vn iouc que tu dis estre
trop rigoureux, & tu en reçois vn autre qui est bien
plus pesant, plus iniurieux à Dieu, à ta reputation,
a ta liberté & à ta vie : iniurieux à Dieu, par ce qu’il
n’est pas legitime, ce n’est pas celuy qui veut que tu
porte, tu cõmets vne espece d’idolatrie, tu te formes
de nouueaux Dieux, tu rẽds de nouuelles adoratiõs
à des Idoles, c’est à dire à ceux qui ne sont que les
foibles crayons de la veritable puissance que tu dois
reconnoistre dans ton Roy ; tu ouures tes portes à
des troupes Estrangeres & ennemies, & tu les fermes
à celle de ton Roy, tu leurs fournis des munitions
& des viures, & tu en refuses à tes Compatriotes