Replique. Pour l’oppression des peuples
qu’on attribuë à son Altesse Royale, chacun
sçait qu’au commencement de l’année presente
l’armée que le Cardinal Mazarin amena à son
retour en France, laissa des marques prodigieuses
des voleries, impietez & sacrileges qu’elle
laissa en tous les lieux où elle passa, contraignant
les vierges Religieuses d’abandõner leurs
Monasteres sur l’apprehension d’estre violées
par ses soldats, comme plusieurs auoient esté,
sans espargner le plus sacré & plus precieux gage
de nostre Religion, le Corps tres-adorable
du Fils de Dieu profané par ces impies, les
saincts Ciboires volez, les Ecclesiastiques outragez,
tuez & emprisonnez, les habitans de la
campagne tyrannisez, crucifiez, & inhumainement
tourmentez, apres auoir esté pillez, cõme
pres Saumur, Blois, Sologne, Isle-Adam, Lagny,
Ville-neufue S. Georges, & plusieurs autres
lieux, comme il s’est veu parmy leur bagage
pris en leur défaite en Gastinois par defunct le
Duc de Nemours, où quantité de Ciboires furent
trouuez. Pour les troupes d’Espagne, son
Altesse Royale voyant le Cardinal Mazarin auec
vne armée d’Allemans & estrangers jointe à
celle du Roy à dessein de luy faire la guerre & à
Messieurs les Princes, le voyant foible & n’auoir