Anonyme [1649], HISTOIRE REMARQVABLE DE LA VIE ET MORT D’VN FAVORY DV ROY D’ANGLETERRE. , françaisRéférence RIM : M0_1649. Cote locale : A_4_12.
page précédent(e)

page suivant(e)

-- 13 --

perturbateur du repos public.

 

Iuge mon cher Lecteur, si ce n’est pas là vne
veritable peinture de Mazarin, & s’il n’est pas
vray de dire, que les iugemens de Dieu sont
merueilleux. Toutes choses nous obligent de
croire qu’il aura vne fin aussi lamentable, &
que cette fin tragique pour luy, & pour son
party, sera la source de nos felicitez. Quelque
soin que ie prenne à considerer & les efforts,
& les artifices de nos ennemis, i’y remarque
vn soin particulier de la prouidence diuine
pour cette fameuse ville de Paris. La voix de
tant d’innocens, les cris & les larmes des pauures
& des vefues, les prieres de tant de Communautez
Religieuses sont montées iusques
au throne de Dieu, qui destruira l’orgueil des
ennemis de ce Royaume. Le Ciel doit prendre
le soin de cultiuer nos Lys, puis que c’est vn
present dont nous sommes redeuables à sa bõté.
Celuy qui nous enuoya iadis ces fleurs qui
sont sans espines, fera qu’elles seront tousiours
aussi fraisches qu’au premier iour qu’il nous en
fit le don. Il n’y a rien qui nous empesche de
former ces genereuses pensées, puis que des
Princes, dont la valeur est sans pareille, & que
ie ne me lasseray iamais de loüer, combattent
auec ardeur contre l’iniustice de nos tyrans Ce



page précédent(e)

page suivant(e)