Anonyme [1650], RESPONSE DE MESSIEVRS LES PRINCES AVX CALOMNIES & impostures du Mazarin. , françaisRéférence RIM : M0_3399. Cote locale : A_9_15.
page précédent(e)

page suivant(e)

-- 33 --

ses forces, & ne pouuoit esperer aucun secours, les Habitans
estoient las d’vne guerre dont le succez ne
leur pouuoit faire obtenir que la conseruation de
leurs priuileges, la seureté de leurs personnes, & de
leurs biens, qu’on leur accordoit par le traité, & en
la continuant ils se voyoient reduits à la defense de
leurs murailles, & dans vne continuelle apprehension
de se voir forcés. En effet leur perte estoit asseurée,
si Monsieur le Prince n’eust arresté les aduantages
de Monsieur le Comte d’Alais, & ne l’eust prié de s’accommoder.

 

Au contraire, l’entreprise de Monsieur le Duc d’Espernon
estoit iniuste & violente, & la deffense de
Messieurs du Parlement de Bordeaux, tres-iuste, tres-legitime,
& tres-naturelle ; Il se trouuoit abandonné
de toute la Noblesse, exclus de la plus part de villes de
son Gouuernement, qui fauorisoient secretement le
party du Parlement : Bordeaux de soy est puissant, riche,
vn port de mer, vne ville de commerce, engagée
auec beaucoup de Marchands Hollandois, qui pouuoient
s’interesser en la fortune de leurs associés, leurs
troupes auoient eu des aduantages au commencement
de leur guerre, les estrangers leurs offroient du secours
de tous cores, & il estoit perilleux de les reduire
à la necessite de les accepter.

Voila les veritables raisons de la difference des
deux traités ; Il ne s’est rien fait qui ne se pratique en
toutes les negociations, où le plus foible reçoit toûjours
des conditions plus fâcheuses. Les articles dont
les vns & les autres se plaignent, sont de si peu de
consequence, qu’on ne deuoit pas differer, d’vn moment
vn soin si necessaire à ces Prouinces ruinées par
les gens de guerre des deux partis, le principal estoit
de conseruer l’authorité Royale comme Monsieur le



page précédent(e)

page suivant(e)