que nous auons veu de nos iours tomber
sur la teste de leur Roy, dont l’antiquité
ne nous fournit point d’exemple, & que la
posterité n’imitera jamais. Il n’est point à croire
qu’vn Zongo Ondedei, Italien de nation, &
parfumeur de son mestier, qui a esté condamné
à Rome à trois traits de corde, & banny
de son païs, laissé dans le Conseil du Roy par
le Cardinal Mazarin, comme son plus cher
confident, ait plus de zele & d’affection pour
le bien de l’Estat, que les Princes du Sang,
qui apportent auec la naissance, le respect &
l’amour du Prince : Enfin tout le discours, qui
est contenu dans ce Manifeste des faux Seruiteurs
du Roy, ne butte à autre chose qu’à
entretenir la diuision parmy nous, à ietter de
la deffiance entre Monseigneur le Duc d’Orleans
& Monsieur le Prince, à desvnir le Parlement
de Paris d’auec les autres Compagnies
Souueraines, les six Corps des Marchands,
d’auec le Corps general de la Ville, & qu’à
deposseder & destruire nos plus des-interessez
& vigoureux Magistrats, afin qu’estant affoiblis
par nos diuisions, nous soyons impuissans
pour nous opposer au retour du Cardinal
Mazarin, lequel il prepare dans peu de
iours si nous ne nous y opposons par vne conspiration
generale de nos forces, & de nos volontez,

page précédent(e)

page suivant(e)