Anonyme [1651], RESIOVISSANCE PVBLIQVE SVR LA GVERISON DE MONSEIGNEVR LE DVC DE BEAVFORT , françaisRéférence RIM : M0_3092. Cote locale : B_9_6.
Fœbus qui n’a que vos exploits Pour l’obiet de sa melodie, Imposa silence à sa voix, Et donnoit tout son temps à vostre maladie : Maintenant que vostre santé Luy permet de toucher son luth qu’il quitté Va publier par tout le monde, Que pour auoir sauué l’appuy Où l’Estat des François se fonde, Il ne tient son bonheur que de vous & de luy
Il est vray que toutes les fleurs Dependent de son influence, Mais quoy, nos Lys ont des couleurs Qu’entretient vn Soleil plus propice à la France : Ces obiets brillans de ses yeux, Dont la racine d’or prend dans l’azur des cieux, En tirent la splendeur des Astres, Et font naistre l’heur qui les suit Du sang dont pendant nos desastres, Vostre bras arrosoit le champ qui les produit.
Ie ne vous donne point le nom Ny de Cesar ny d’Alexandre, BEAVFORT est vn plus grand surnom, Et s’ils viuoient encor ils l’auroient voulu prendre : Ces deux Chefs des fameux tyrans, Pour monter à l’honneur de fameux Conquerans Ont acquis le tiltre d’iniustes : Vous comme heritier de Cesar, Vous auez des vertus augustes, Qui pour sauuër la France ont tout mis au hazard.
|