pour le bien de l’estat seroient mal-receues.

Ces personnes sacrés tolerent l’iniustice
& les cruautez qui s’exercent sur le peuple,
pour ne les pas cognoistre, & le peuple
est tellement preuenu de cette creance que
vous ne deuez point douter qu’il ne regarde
comme autheurs de ces miseres, ceux qui
leurs en peuuent descouurir les causes &
ne le font pas.

Prenez garde de n’attirer point sur
vous par vne l’asche & molle indifference
les maledictions du Ciel & de la terre, &
les reproches que le Roy vous en fera
quelque iour.

La Noblesse à ses interests communs
auec les vostres, quoy qu’vn peu moins
estendus.

Les Assemblées leurs sont interdites,
mais vous les pouuez receuoir comme particuliers
dans les vostres ; escouter leurs
plaintes, & trouuer bon que sans faire
vn corps separé, mais s’vnissans au vostre,
ils puissent conioinctement auec vous