ledit Gouvernement, & s’en soit emparé par des moyens
entierement Tyranniques.

Ce Ministre ambitieux dans le dessein d’esleuer sa Maison
naissante, sur les ruïnes de celle de Vandosme, & de
luy enlever ledit Gouvernement, ne cõnoissant que deux
moyens receus en France, de destituer vn homme viuant
des Charges dont il est pourveu ; Sçauoir, la Condamnation
par forfaiture, ou la Demission volontaire ; chercha
& l’vn & l’autre, dans vne Persecution horrible contre ledit
sieur Duc de Vandosme, mettant en vsage tout ce que
son Authorité luy facilita de faussetez & suppositions. Aprés
l’auoir fait arrester & emprisonner, par voyes injustes,
sans plainte ny Decret, le 13. de Iuin 1626. & l’ayant
long-temps tenu dans la plus estroite & rigoureuse prison
qu’on se peut imaginer ; luy fit enfin entendre, Qu’il
ne pouvoit esperer de liberté, qu’en se feignant Criminel,
& se soûmettant à tout ce que l’on voudroit de luy à son
desavantage Enfin par toutes les rigueurs que peut souffrir
vn Homme abandonné à la cruauté de son Ennemy ;
par des menasses de la mort le poignard porté sous la gorge
par deux Soldats commis à sa garde : par l’exemple encore
sanglante de la mort avancée du feu Grand Prieur
son frere ; par les offres de la delivrance de toutes ses peines,
& d’vne Liberté toute entiere, & par tous les artifices
que les Supposts dudit Cardinal peurent inventer. Ils extorquerent
de la main dudit Seigneur Duc le 16. Ianvier
1627. vne pretenduë Declaration escrite dans le Chasteau
du Bois de Vincennes, contenant tous les faits inventez
contre luy ; Et sur laquelle au mois de Février ensuiuant,
on a fait expedier des Lettres d’abolition au nom dudit
Seigneur, verifiées en Parlement le 23. Mars 1629.