Anonyme [1649], REQVESTE DE TOVTES LES DAMES ET BOVRGEOISES de la Ville de Paris. PRESENTÉE A LA REYNE le Dimanche 7. iour de Mars 1649. , françaisRéférence RIM : M0_3482. Cote locale : A_8_67.
page précédent(e)

page suivant(e)

-- 7 --

de ce zele ardent, d’auoir abandonné ses propres
interests pour asseurer celuy de ses Peuples. De
sorte, MADAME, que nous pouuons dire, que
vous estes vn veritable rayon de Diuinité, qui souuent
a fait tomber snr ses Ennemis les malheurs
qu’ils nous preparoient : & c’est auec cette mesme
Diuinité que nous esperons que vostre Majesté nous
exaucera maintenant, puisque la voix publique n’a
cessé de porter ses loüanges iusques dans les Nations
les plus eloignées ; & que ceux qui sont les plus ialoux
de sa grandeur & de sa gloire, ne peuuent refuser
des admirations à son courage & à sa vertu. Ce
sera donc auec vostre permission, MADAME, que
vous nous permettrez de dire, qu’estant la cause de
vostre Fils, cet inuincible Monarque, c’est la vostre :
c’est pourquoy en defendant vos Estats contre vn
vsurpateur, vous defendrez ses Peuples contre vn
carnassier de son sang : & que la France n’ayant point
de plus sensibles interests que les vostre, ne sera iamais
en repos que vous ne soyez dans vostre Throsne
ordinaire, pour y resider, & pour vous y voir
eclater en honorant vos fidels Sujets, qui ne respirent
rien tant que vostre presence, & de vous y pouuoir
seruir en qualité,

 

MADAME,

De Vos tres-humbles, tres-obeyssans, &
tres-fideles seruiteurs & Sujets.



page précédent(e)

page suivant(e)