Anonyme [1650], REQVESTE DE MADAME LA PRINCESSE A MESSIEVRS DE PARLEMENT de Bourdeaux, POVR LA SEVRETE DE SA personne, & de celle de Monsieur le Duc d’Anguien. , françaisRéférence RIM : M0_3474. Cote locale : A_9_21.
page précédent(e)

page suivant(e)

-- 7 --

sans doute quand son esloignement laissera agir leur probité
auec vne liberté toute entiere. Là elle fut inuestie aussitost
qu’arriuée par la Compagnie de Monsieur le Prince
Thomas qui se rendit à Briues, le Regiment de Cugnac à
Tulles, & toutes les troupes de Monsieur d’Espernon au
Pont de Terrasson sur la Veyzere, où vray-semblablement
elle deuoit passer, pour se rendre par sa Maison de Coutras
à Bordeaux. Le bruit courut par tout le païs qu’on vouloit
l’arrester auec Monsieur le Duc son fils, les Communes
s’assemblerent de leurs mouuemens, & la compassion leur
fit naistre le dessein & prẽdre la resolution de les suiure iusques
à ce que l’vn & l’autre fussent en lieu de seureté. Mais
la suppliante ne iugeant pas à propos de faire vne assemblée
si nombreuse, ne retint de ceux qui s’offrirent à elle,
qu’autant qu’il en faloit pour auoir des forces suffisantes
pour s’opposer à celles que commandoit le Cheualier Bastard
de la Vallette, & renuoya le reste pour oster tout
soupçon qu’elle voulut faire la guerre au Roy dãs vne Prouince
où elle venoit chercher la Paix vers les depositaires
de la Iustice Souueraine. Elle cõtinua son chemin, les troupes
qui estoient à Terrason enfurent aduerties, elles quitterent
ce poste, la suiuirent, trauerserent son passage, tascherent
de luy couper chemin pour executer l’ordre que
Monsieur d’Espernon auoit receu du Cardinal Mazarin
de les arrester separément ou coniointement, & de les
mettre sous bonne & seure garde, comme la suppliante le
iustifiera par escrit : mais à la faueur de cette escorte elle
aborda à ce Port apres tant d’orages qu’il auoit excité pour
precipiter cette Illustre Maison dans vn entier naufrage.

 

Ce consideré Nosseigneurs, & qu’en la detention de
Monsieur le Prince, & en celle de Messieurs les Princes de
Conty & Duc de Longueville ses frere & beau-frere,
qu’on ne colore que de crimes imaginaires, vous connoissez
la violence & l’oppression de ce Ministre, qui soumettant
l’aduantage & la gloire de l’Estat qu’il gouuerne à ses



page précédent(e)

page suivant(e)