les Decrets du Tout-Puissãt ; & j’estime que ces
asseurãces de paix ne sont pas sans qu’elles aient
esté receuës de vostre cœur deuot & pieux, le
S. Esprit a operé chés vous se diuin ouurage, il
a imprimé les caracteres de vostre salut eternel
auec les ordres de nostre repos temporel ; si bien
qu’au mesme temps que nous offrons les auances
de nos biens par l’espoir de la misericorde de
Dieu & de la vostre, nous sommes certains de
vos obeïssances à ce grand Directeur de nostre
conduitte ; c’est son pouuoir qui autorise
le vostre, & qui tient tous les Roys sous l’escabeau
de ces pieds : Ie crie au Seigneur en ma
tribulation, & il ma exaucé, nous luy auons demandé
la fecondité de vostre ventre, il nous la
accordée : Loüons-le, MADAME, & toutes
ces œuures, & deliurons nous de celles qui
nous accusent deuant sa face ; vrayment le Seigneur
a fait de grandes choses auec nous, &
nous a rendus joyeux, nous auons semé en
pleurs pendant vostre courroux, & nous moissonerons
en liesse apres la fin de nos alarmes :
Nous verrons nostre Roy remply des graces &
de benedictions, & l’offrirons tous les jours à
Dieu, comme le plus cher present de sa liberalité,
lors nostre bouche sera remplie de joye, &
nostre langue de liesse : Reuenés, MADAME,
auec nos bien-aimés Princes, se sejour Royal

page précédent(e)

page suivant(e)