& exciteront vn chacun, ensorte qu’il
sera difficile d’en preuenir les effets : Tant d’actions
si illustres, tant de batailles gaignées,
n’obtienderont-elle point quelque consideration
fauorable ? n’ombrageront-elles point
les manquemens & legers soubçons ? & n’attireront-elles
point la pitié sur des malheureux ?
principalement apres qu’on auoit estably la
force du Royaume dans l’vnion des personnes
de la famille Royale, de Monsieur le Duc
d’Orleans, & de Monsieur le Prince, & qu’en
ce lien Royal la fortune publique estoit si
asseurée que rien ne la pouuoit esbranler : Si
c’estoit vn secret d’Estat ou vn mistere qui ne
deust estre reuelé, ce seroit quelque chose : On
sçait que les attentats faits à l’Estat ne se descouurent
qu’auec le temps, mais les Lettres
de Cachet ont declaré si hautement leurs innocences,
que personnes n’en peut douter, &
que le seul respect en a arresté les plaintes : Si
quelqu’vn de la Compagnie auoit ressenty le
coup de la Souuerame puissance, on ne luy
desnieroit pas les suffrages ; Les Princes du sang
estans Conseillers nays, les estayes veritables
de l’Estat, les membres honorables de ceste

page précédent(e)

page suivant(e)