Anonyme [1651], REMONSTRANCE DE LA PROVINCE DE GVYENNE A MONSEIGNEVR LE PRINCE DE CONDÉ POVR LA REVNION DE LA MAISON ROYALE. , françaisRéférence RIM : M0_3337. Cote locale : B_6_32.
page précédent(e)

page suivant(e)

-- 3 --

Remonstrance de la Prouince de Guyenne à
Monsieur le Prince de Condé, pour la
reünion des bons François.

MONSEIGNEVR,

Le moyen dont vous vous estes seruy pour pacifier
les troubles de cette Prouince, nous est vn trop sensible
témoignage de vostre affection, & de vostre prudence,
pour ne nous pas obliger à suiure tous vos sentimens,
& nous sommes trop respectueux à l’endroit
de Vostre Altesse, pour entreprendre de luy faire des
Remonstrances, si l’interest de vostre gloire, & le soin
du bon-heur de la patrie ne nous solicitoient de le
faire. L’vne de ces deux considerations estant assez
puissante, pour rendre pardonnable vne faute plus
grande que la nostre ; Nous esperons que les deux jointes
ensemble, pourront seruir d’excuse à nostre temerité,
si toutesfois on peut nommer temeraire, ce qui
n’est que l’effet d’vn legitime zele.

Vostre retraitte, MONSEIGNEVR, qui met le
desordre & l’apprehension dans tous les Esprits, nous
met aussi la plume dans la main, pour vous representer
les dangereuses suites, dont elle est menacée, & tascher



page précédent(e)

page suivant(e)