Anonyme [1649], REMERCIMENT DE PARIS A MONSEIGNEVR LE DVC DORLEANS, POVR LE RETOVR DV ROY ET DE LA REYNE. , françaisRéférence RIM : M0_3275. Cote locale : C_8_47.
page précédent(e)

page suivant(e)

-- 13 --


Fut tout d’vn coup comme sans vie ;
Ie n’eus depuis aucune enuie
Ny de chanter, ny de dormir ;
Et ie n’ay rien fait que gemir.
Helas que i’estois miserable
Dans vn estat si deplorable
Où ie me vis precipité !
Mais vous m’auez resuscité
Par vostre agreable presence,
(C’est pour parler sans complaisance)
Et quand ie puis vous admirer
Ie commence de respirer.

 

 


Cher Prince, helas ! souffrez de grace
Que vos genoux du moins i’embrasse,
Que ie vous tienne desormais
Sans vous pouuoir perdre iamais ;
Ne sortez plus hors de ma Terre,
Ny pour la Paix, ny pour la Guerre,
Vous estes mon Tout, mon beau Roy,
Et ie meurs si ie ne vous voy.
LOVIS la merueille des Princes
N’allez plus parmy les Prouinces,
Et sans changer d’auis ny d’air
Ne quittez point Paris sans pair.

 

 


GRANDE REYNE, Chere Princesse ;
Que ie dois reuerer sans cesse,
Ne vous éloignez plus de moy,
Ie suis à vous, ainsi qu’au Roy ;
C’est en vos Bontez que i’espere,
I’aime le Fils, i’aime la Mere,
Ie n’attens mon bon-heur que d’eux,
Et ie vous dois tout à tous deux.
Passez icy vostre Regence
Dans vne bonne Intelligence :

page précédent(e)

page suivant(e)