plat pays, ils plaident, font des escritures, & passent
autant de sentences ent’eux, comme les luges mesmes.
Ainsi ils representent trois personnages, soubs vn
seul masque. Comme ce Musicien dans Athenee, qui
ioüoit en mesme temps, de trois modes, à sçauoir,
Doryque, Lydien, & Phrygien sur vn mesme instrument.

Voilà donc la Iustice, Vierge, fille du Ciel, captiue
mal traictee entre les mains des barbares, que vous
deliurez par vostre Arrest. Cest acte, SIRE, est plus
grand, que le vulgaire ne pense : & vous acquerra autant
de gloire enuers la posterité qu’aucune de vos
plus fameuses conquestes. Ie veux bien que souz vostre
regne tres-heureux, la France ioüisse du bien, d’vne
longue & profonde Paix ; mais ceste Paix n’est pas
telle que celle qui estoit jadis en Italie, souz le Roy
Latinus, duquel Virgile dict.

Cestuy tenoit son peuple en vne paix paisible.

Car en effect les procez animeusement exercez, sont
vne autre guerre pour les François, que vous appaisez
sans doute, estant bien certain, que les Aduocats faisans
/> l’vne & l’autre charge, la Iustice en sera plus
briefue. Aussi c’est vn grand fait, qu’il n’y a qu’en
France où les Procureurs soient en si bon point, comme
on lit dans l’Histoire naturelle, que les Tragelaphes,
ou Cerfs barbus se font & se nourrissent mieux,