Anonyme [1652], REMEDE AVX MAL-HEVRS DE L’ESTAT AV SVIET DE LA QVESTION. SI LA VOIX DV PEVPLE est la voix de Dieu. , françaisRéférence RIM : M0_3270. Cote locale : B_20_43.
page précédent(e)

page suivant(e)

-- 3 --

REMEDE
AVX MAL-HEVRS
DE L’ESTAT DE FRANCE,
Au suiet de la question.

Si la voix du Peuple est la voix de Dieu.

Les hõmes ne sont que trop souuent en discord,
faute de s’entendre. Celuy qui a mis la question
au iour ; si la voix de Dieu est la voix du peuple, deuoit
mieux entendre ; & ce suiuant celuy qui a pareillement
escrit, que la voix du peuple est la voix de
Dieu, & mettre la difference qui se trouue tant des
peuples que des occasions qui font retẽtir leur voix.
Dautant que si par le peuple on entend la populace,
& la lie des hommes, personne ne peut estre assés dépourueu
de sens pour escrire que la voix d’vn tel peuple
soit la voix de Dieu, au suiet que les parties entendent,
qui est le soin du gouuernement de l’Estat.

Les occasions doiuent estre diligemment considerées,
d’autant que si le peuple se mutinoit par des
vaines imaginations, bourasques & fougues d’esprit ;



page précédent(e)

page suivant(e)