Anonyme [1652], RELATION VERITABLE, DV COMBAT FAIT à la prise du Pont d’Ablon sur Seine, par MR le Prince. ENSEMBLE CE QVI S’EST passé à la prise de l’Eminence de Sainct Spire sur Corbeil, par le Prince de Tarente. , françaisRéférence RIM : M0_3263. Cote locale : B_7_29.
page précédent(e)

page suivant(e)

-- 4 --

& en la resolution qu’ils ont de tenir sa Maiesté
en captiuité : voyant la saison s’auancer
& qu’il en falloit venir à la guerre, par contrainte
s’est veu obligé, comme General des
Armées de France, sous les ordres de Monsieur
le Duc d’Orleans, de prendre la conduite des
trouppes auxiliaires de l’Archi-Duc Leopold
& du Duc de Lorraine, qui arriuerent prés
Paris : en laquelle Armée Estrangere se trouuent
le Duc de Lorraine, le Duc Vvitemberg
& le Comte de Fuensaldagne, qui font
six mille cheuaux, huict mille hommes de pied,
auec dix-huict canons.

 

Monsieur le Prince sans perdre temps, sçachant
leur arriuée, fait joindre à celle qui estoit
campée entre le Faux-Bourg de Sainct Victor &
le Village d’Ivry, enuiron de trois mille hommes
tant Caualerie qu’Infanterie, auec six canons
& quatre tirez de l’Arsenal de Paris.

Le Conseil Mazarin sçachant la marche de
cette Armée Estrangere, se seruit de l’authorité
du Roy, pour commander au Mareschal de
Turenne, d’aller s’opposer auec la sienne qui
est enuiron de dix mille hommes de Caualerie
& d’Infanterie : lequel la costoya tousiours sans
l’aissaillir, & la suiuit en Brie ; & voyant qu’elle
s’auançoit vers Paris : il se rendit vers Ville



page précédent(e)

page suivant(e)