les enuoyer au Duc de Vendosme, qui a
ordre d’assieger Broüage.

Qu’on retient les marchandises aux passages
des riuieres & des grands chemins, les
empeschant de venir à Paris.

Mais ce qu’il y a de remarquable, est que
sur l’esperance que le Cardinal Mazarin
donnoit de se vouloir retirer. Monsieur le
Duc d’Orleans apres la confirmation de sa
Declaration faite au Parlement ce 22. Aoust
dernier, de poser les armes aussi tost que le
Cardinal auroit quitté la France, se resolut
d’enuoyer vers le Roy, remercier sa maiesté
de cét éloignement.

Et des-ja, Son Altesse Royale auoit choisi
le Mareschal d’Estampes & le Sieur Goulas
son premier Secretaire, pour aller à Compiegne.
Mais comme il y a peril de passer
parmy les gens de guerre qui tiennent les
chemins ; Son Altesse Royale dépescha vn
Courrier auec passe port pour Compiegne,
afin d’en demander vn pour le Mareschal
d’Estampes & le sieur Goulas.

Ce Courier fut mal receu : car ayant demandé