les effets enuers ceste ville d’Angers : car comme
elle eut tres-librement ouuert ses portes à ceux que
le Cardinal y enuoyoit pour s’en assurer, & fait entrer
nombre de gẽs de guerre plus grand qu’il n’auoit esté
accordé, pour chastier ses habitans, qui auoient pris
les armes sous le Duc de Rohan leur Gouuerneur
pour leur iuste deffense à empescher leur ruine, comme
s’estant instruicts de ce que plusieurs ville de
Guyenne, Poictou, de Berry & d’autres pays auoient
enduré sous la tyrãnie des soldats de ce Cardinal, ils ne
furẽt si tost entrez qu’au lieu d’y entretenir les articles
portez par la capitulatiõ à eux accordée, que les soldats
commencerent d’y viure comme à discretion, & leur
chef à exiger des sommes immenses des habitans.

Et contre la Declaration expresse du Roy de l’année
1648. verifiées en son Parlement de Paris, les Intendans
de la Iustice eussent esté cassez & reuoquez,
le Cardinal, qui ne fait non plus d’estat des Ordonnances
du Roy, ni des Arrests de Parlement de France,
que d’vne chanson, y a enuoié vne personne à sa deuotion
pour Intendant de la Iustice, lequel auec deux
cens Mousquetaire qu’il a logez dans le Chasteau
contraint les Marchands par emprisonnement des
Magistrats & d’autres principaux habitans à payer les
sommes qui leur estoient imposez dont la ville à enuoyé
ses deputez au Parlement de Paris en faire
ses plaintes.

L’on sçait les deportemens violent barbares & inhumains