dite Altesse en Gastinois, où elle grossit sous la
conduitte du Comte de Tauanne, assisté du Marquis
de la Boulaye & du Baron de Clinchant vaillant & experimenté
Capitaine, pour la subsistance de laquelle
armée, on achepte du bled & des fourrages aux lieux
où l’on en l’on en peut trouuer.

L’armée Mazarine a passé la Loire, & est entrée en
Gastinois prés la ville de S. Fargeau, qu’on dit auoir
comme inuestie, car pour Gerjeau, il ny passe personnes
à cause de quelques arches que fit rompre le
Baron de Sirop lors qu’il l’attaqua, contre le Comte
de Paluau, où il fut blessé au visage & au corps, en
telle sorte qu’apres auoir esté pensé fort soigneusement,
tant par vn Chirurgien que son Altesse Royale
luy enuoya que par d’autres Chirurgiens d’Orleans, il
mourut au tres-grand regret de sadite Altesse & de
toute l’armée, comme vieil & vaillant Capitaine qui
s’est trouué en six vingts batailles & combats & à
quantité de sieges où il a laissé mille belles preuues de
son grand courage.

La Cour est tousiours à Gyen, où se tient fort souuent
Conseil, pour resoudre où le Roy prendra sa
marche, le Cardinal Mazarin a beaucoup de fois
proposé de mener sa Maiesté à Lyon, peut-estre plus
proche d’Italie où il pourroit faire sa retraitte en cas
qu’il y fust contraint.

Autres ont esté d’auis de retourner en Berry, presser
& prendre Mouron, que Monsieur le Prince a fait