Anonyme [1652], RELATION VERITABLE, DE CE QVI S’EST PASSÉ à Compiegne, depuis le premier de ce mois iusques à present. I. L’expedition des Deputez de Languedoc. II. Les Ordres données à Monsieur le Duc de Mercœure, pour tenir les Estats de ladite Prouince. III. Et les Ordres enuoyées au Mareschal de Turenne par sa Majesté. , françaisRéférence RIM : M0_3209. Cote locale : B_9_33.
page précédent(e)

page suivant(e)

-- 8 --

Soldats qu’on en auoit tiré selon les ordre de Mazarin,
& qu’elle estoit mal pourueuë pour se deffendre
& soustenir vn l’on siege, de maniere qu’il est comme
asseuré qu’en l’estat present auquel la France se
trouuent à present, que c’este place tres-jmportante
au Royaume se perdre & retournera à ses premiers
Maistres, ne pouuant estre secouruë.

 

Le mesme se peut dire de la Cataloge d’où ce mesme
Cardinal à tirer les meilleures trouppes que le
Roy y entretenoit pour y cõseruer son authorité, puis
que les Catalans s’estoiẽt de leur pures libre & volõté
donné à sa Maiesté Tres-Chrestienne, laquelle à employé
tant de millions d’or & de milliers de bons &
vaillans Soldats pour sa conseruation contre l’Espagnol,
en sorte que le Mareschal Hodancourt qui y
commande pour sa Maiesté, n’ayant forces ny argent
pour empescher la perte de ceste principauté, & sans
esperance d’en renuoyer pendant nos troubles ciuile,
ayant fait tout ce qu’vn grand & vaillant Capitaine
peut tesmoigner en la conduite de la guerre, sera
contraint de ceder à la force Espagnole laquelle
ayant tenuë long temps la ville de Barcelonne Bloquée
& assiegée par mer & par terre, par Montjoux
Citadelle qui la commande, s’en rendra finallement
maistre, ce qui sera par necessité suiuy du reste
de la Catalogne qui ne se pourra plus conseruer.

Il faut esperer le mesme de ce que les François possedent
en Italie, car l’Espagnol qui y a de grandes intrigues



page précédent(e)

page suivant(e)