premieres approches suyuis de l’Infanteries qui composoit
plus de cinquante mille hommes, sans preiudice
d’vn grand nombre de Caualeries & d’Infanteries
qui s’estoient détachez pour suiure l’ordre de Monsieur
de Beaufort & sa marche du costé du Bourget,
pour escorter vn conuoy ainsi que ie diray cy-apres.
Les ennemis ayant quitté leur poste de sainct Denis,
& n’y ayant laissé que quatre ou cinq cent Suisses, ne
ce méfiant point des nostres, qui ce sont seruy de cette
occasion pour l’assieger, pendant que ces Vautour
& ennemis, ont fait vn gros, pour aller assieger
la ville de Brie-contre-Robert, qui est gardée par
Monsieur de l’Hospital qui en est Gouuerneur & Seigneur
en droit patrimonial.

Ce poste est bien ridicule à nos ennemis, quoy qu’il
y ayent beaucoup perdu de monde, neantmoins, ne
laissent de l’enuoier, d’autant qu’il arriue iournellement
des conuois formé dans la Brie.

Ledit iour à vne heure apres midy, Monseigneur le
Prince de Conty ne ce contenta pas de donner ces ordres,
mais luy-mesmes voulu honorer les Soldats de
la presence de son Altesse, il sortit suiuy de ces Gardes,
accompagnée d’vn grand nombre tant de Cauallerie
que d’Infanterie, passa par la porte du Temple,
& alla disner à la Villette, au party de là alla trouuer
les Generaux susdits aux champs de Mars, lesquels
il trouua dirigeans les Soldats & les mettans en bataille
rangée.

Les factionnaires de cette place assiegée, ont esté
bien surpris, à la veuë d’vn si grand nombre, qui remplissoit