Anonyme [1652], RELATION VERITABLE, CONTENANT TOVT CE QVI S’EST PASSÉ EN PARLEMENT, Le Samedy 19 Octobre 1652. en presence de Son A. Royale. Sur le retour de Sa Majesté en sa bonne Ville de Paris. , françaisRéférence RIM : M0_3196. Cote locale : B_5_6.
page précédent(e)

page suivant(e)

-- 7 --

auoir esloigné celuy qui jettoit le trouble dans
la maison Royalle. C’est maintenant Messieurs
les Predicateurs de Paris, que vous deuez crier,
Parate vias Domini. Ouy, puis que Dieu nous
commande d’honorer nos Roys, & qu’il a dit
par l’Escriture, Dii estis in terra secuti ego sunt in cælis.
Nous leurs deuons preparer des voyes, nous
les deuons receuoir auec des réjouïssances publiques,
& toutes sortes de tesmoignages de fidelité,
particulierement aussi lors qu’à l’imitation
du Roy des Roys, ils viennent auec ces mots de
Pax vobis.

 

Messieurs les Colonels, ont esté regallez par
Sa Majesté splendidement, & leur a donné Audiance
fauorable, ils doiuent retourner au deuant
de Sa Majesté à son entrée à Paris, c’est ce qui
nous fait iuger, que Sa Majesté malgré tous les
enuieux, n’a pas oublié l’ancienne affection que
ses predecesseurs Roys ont tousiours eu pour Paris,
aussi Paris n’eut iamais plus de tendresse qu’il
en a pour son Roy, qui porte le titre de Dieudonné,
ayant tant fait de vœux au Ciel, pour sa
Naissance, & donnant à son peuple tous les tesmoignages
d’vn grand Roy. Il ne luy reste plus
qu’à faire les mesmes vœux pour vn Conseil digne
de luy : car vn grand Roy en France & vn
bon Conseil, est pour rendre tous ses sujets heureux,
& porter son Empire iusqu’aux extremitez



page précédent(e)

page suivant(e)