Anonyme [1652], RELATION VERITABLE DES PARTICVLATEZ OBSERVÉES EN LA RECEPTION DV ROY. Dans sa bonne Ville de Paris. ET TOVT CE QVI S’EST FAIT ET PASSÉ EN PARLEMENT, le Lundy 21. Octobre 1652. En presence de son Al.Royale, Et autres Ducs & Paris de France. Auec la Harangue faite par M. le Preuost des marchands à sa Majesté. , françaisRéférence RIM : M0_3260. Cote locale : B_1_25.
page précédent(e)

page suivant(e)

-- 4 --

Qu’il aye à se trouuer le Mardy 22. d’Octobre
en son Chasteau du Louure, pour receuoir
& entendre ses volontez, sur toutes les
affaires presentes.

Aucuns de Messieurs se sont plaints de ce
que plusieurs d’entre eux auoient esté obmis
& ausquels l’on n’auoit pas escrit, qu’il sembloit
qu’il y eust du particulier ; que l’on vouloit
demeurer dans vne dissimulation trop
secrette pour leur jouër quelque piece dans
ce temps.

Il est arriué qu’vn particulier est entre dans
l’Assemblée, & a presenté vn gros pacquer,
le quel ayant esté déployé, il se seroit trouué
qu’il y auoit dans ledit pacquet six petits autres
pacquets.

Le premier pour Messieurs de la grand-Chambre.
Et les autres pour les cinq autres
Chambres des Enquestes du Parlement de
Paris, lesquels ayans esté aussi ouuerts, il s’y
est trouué plusieurs particularitez qui seroiẽt
trop prolixes à reciter.

Messieurs de Paris ayant sceu le iour pris
par sa Maiesté pour y reuenir, ils enuoyerẽt
par toutes les Parroisses & Eglises commander
de carillonner ce qui a esté fait depuis les
trois heures de releuee, iusques à l’arriuée de
sa Maiesté en son Louure.



page précédent(e)

page suivant(e)