en Cour auec deux lettres de sa part addressantes
à Messieurs Seguier Chancelier de France &
Moslé Garde des Seaux, à l’effet d’auoir des
Passe-ports pour executer sa deputation.

Le Dimanche 29. du mesme mois, il auroit
receu response à ses deux Lettres, lesquelles il
n’auroit voulu ouurir que par ordre du Parlement,
dequoy ayant donné aduis à Monsieur le
President de Nesmond, qui auroit aussi-tost
esté au Palais d’Orleans pour supplier son A. R.
de venir prendre sa place au Parlement le Lundy
30. pour en sa presence estre faict ouuerture desdites
Lettres. Sur les sept heures du matin son
A. R. seroit venu en la saincte Chapelle du Palais,
assisté de Messieurs les Ducs de Beaufort,
de Sully, de Rohan, & de la Rochefoucaut, &
autres Princes & Seigneurs, où Messieurs les
Presidents de Maisons & le Bailleul auec quatre
Conseillers de la grand’Chambre le seroient
allez querir de la part du Parlement.

Estant party de la saincte Chappelle auroit
passé par la grand’Salle, & Monsieur de Beaufort
par la Gallerie des Prisonniers, & de là au
Greffe Ciuil, & son A. R. ayant pris la place que
sa naissance & son merite luy dõnent, Monsieur
de Nesmond luy auroit addressé la parole & dit,
Que la Cour n’auoit voulu decacheter les Lettres