Anonyme [1649], RELATION VERITABLE DE LA NAISSANCE D’VNE FILLE MONSTRVEVSE, AV grand estonnement de tout le voisinage, arriuée le Lundy 19. Iuillet dernier au Bourg de Sept-font, prés la ville de S. Fargeau & de Mezil, Diocese d’Auxerre, recueillie des attestations enuoyées dudit lieu. , françaisRéférence RIM : Mx. Cote locale : A_8_9.
page précédent(e)

page suivant(e)

-- 6 --

De tout le voisinage & de plus de quatre lieuës à la ronde
s’y firent de grandes visites par personnes de toutes qualitez,
estat & condition, sur le grand bruit qui couruit
d’vne telle nouueauté.

Les Medecins & les Chirurgiens mesmes tant de la ville
de Sainct Fargeau que de Mezil & d’autres lieux proches
dudit bourg de Sept-fons ne plaignirent pas leurs peines,
pour y aller & voir la naissance si monstrueuse de cet enfant,
& consulter par ensemble des causes d’vn accident si
nouuel & prodigieux, & qui possible n’en auoient veu de
semblables, restans tous dans l’estonnement, ce qui n’empescha
point qu’ils n’en remarquassent les particularitez
pour s’en seruir aux occasions selon leur coustume, l’Eglise
& la Iustice du lieu en firent des procez verbaux pour en
conseruer le souuenir, la chose le meritant, & desquels procez
verbaux a esté extraict cette presente Relation, enuoyez
par personnes de fidelité approuuee & recognuë
afin que le public ne reuoque en doute vn accident si
remarquable, & qui merite auoir lieu dans l’Histoire, mais
celuy qui a pris la peine d’en faire lesdits extraits est Monsieur
Barbier vicaire dudit Mezil, qui l’a enuoyé icy à Paris,
& l’a signé de son sein propre afin d’y adiouster dauantage
creance.



page précédent(e)

page suivant(e)