esté d’humeur à former de petits desseins, auoit hardiment
conclu à celuy de forcer ces troupes retranchées,
pour tacher d’y terminer tous les differens de l’Estat par
vn dernier coup de partie : Mais le torrent des voix s’est
declaré pour le desespoir ; & la pluspart ont cru, que le
Mazarin ne voyant plus de iour à son restablissement, a
voulu tenter le moyen d’y faire naistre quelque resource,
mesme par vne resolution aparemment desesperée,
tant affin de nous effrayer par ie ne sçay quelle idée aduantageuse
qu’il pretendoit nous faire conceuoir de
ses forces ; que pour nous intimider en nous faisant aprehender
quelque intrigue secrete dans la plus estonnante
de toutes les entreprises.

Quoy qu’il en soit de ces motifs, qui pourroient peut-estre
bien auoir concouru tous trois, pour donner le
mouuement à cette hardie resolution ; Il est tres constant
qu’ils ont seruy de Theatre à toutes les vertus militaires
du Comte de Tauannes & des autres officiers qui ont secondé
sa valeur dans cette rencontre, & qu’on ne sçauroit
luy refuser les mesmes Eloges apres la leuée du siege,
que le Mareschal de Turenne eut merité, si ce braue
assiegé n’en eut fait auorter le dessein à la confusion de
ses autheurs, & à la gloire des armes de Mrs les Princes :
pour ne faire point le Paneguiste d’vne action qui n’est
que trop éclatante d’elle mesme, & qui parle assez hautement
par la reputation de celuy qui a eu le bonheur de
repousser vn des plus signales de tous les Generaux, &
de batte vne armée la plus nombreuse qui soit dans l’Estat,
mais sur tout la plus redoutable pour les vieilles
bandes qui la composent : ie me contenteray d’en donner
la relation toute simple.