que son Altesse fit parestre de chaleur
& de courage pour la conseruation de
Paris, en s’opposant aux violens desseins du Cardinal
Mazarin, qui vouloit y entrer à main armée,
& y laisser auec le fer & le feu des marques de sa
tyrannie & de la vengeance qu’il medite, il y a si
longtemps contre tous les Bourgeois qui ne l’y
veulent point receuoir.

Mademoiselle ayant esté aduertie des le matin
que le Prince estoit aux mains auec les Trouppes
Mazarines, s’en alla à l’Hostel de ville, & fit dire au
Mareschal de l’Hospital, & au Preuost des Marchãds
qu’elle vouloit que sans perdre temps en de
longues deliberations ils enuoyassent promptement
vn ordre aux Bourgeois de prendre les Armes,
de marcher du costé de la porte saint Anthoine,
& de laisser passer par la ville le Bagage de
l’Armée des Princes : cependant cette genereuse
Princesse qui a fait parestre tant de fermeté dans
Orleans lors qu’elle empescha que l’Armée Mazarine
n’y fut receu excitoit le peuple à secourir en
diligence celle des Princes, & apres auoir obtenu
l’ordre qu’elle auoit demandé pour cela, s’en alla
dans la ruë Saint Anthoine où se rendirent pres de
Son Altesse, les Duchesses de Rohan, de Montbason
& de Chastillon, la Ieune Comtesse de
Fiesque qui à tousiours accoutumé de la suiure
dans toutes ses expeditions, Mademoiselle de Chabot
& d’autres Dames.

De l’autre costé Monsieur le Prince ayant enuoyé