au Greffe de la Cour, afin d’informer & de
proceder en suitte criminellemẽt contre eux.

Madamoiselle, fille de son Altesse Royale
passant deuant le Palais Royal durant la tenuë
de cette Assemblée seditieuse, qu’elle exhorta
à ne se point porter à la sedition à moins
que d’estre chastiez selon leur demerite, & de
reietter le Papier (qui est la marque des Mazarins
& des seditieux) & se tenir à la Paille.
Aucuns furent si effrontez de dire, qu’ils n’en
feroient rien, & qu’ils seroient bien aduoüez
de ce qu’ils feroient.

Apres cette Assemblée, on remarqua quantité
de ces seditieux qui furent recogneus par
leurs noms, surnoms, & qualitez : d’autres furent
battus à coups de baston & d’espées par
des Bourgeois, & autres qui abhorroient telles
Assemblées : de sorte que tous se retirerent
diligemment où ils peurent apprehendans
d’estre tuez.

Monsieur le Duc d’Orleans estant aduerty
de cette Assemblée seditieuse, enuoya la pluspart
de ses Gardes au Palais Royal, anec commandement
aux Bourgeois de prendre les armes
pour la dissiper, du commencement ils firent
quelque resistance dans laquelle se tirerent
quelques fusils qui en blesserent aucuns,
& ayant fermé la grande porte de la ruë, ils se