est au de la, & le Baron de Cirot y fut blessé
d’vne mousquetade à la machoire, ce qui le
mit hors de seruice pour quelque temps, on
a rompu deux Arches du Pont dudit Gergeau.

Le mesme iour.

Sur le soir, vn Courier arriua icy qui raporta à
S. A. R. qu’il y auoit eu quelques parolles entre
Monsieur le Duc de Beaufort, & Monsieur le
Duc de Nemours, celuy-cy voulant mener les
Trouppes qui sont venuës de Flandre auec luy
& Monsieur le Prince, ce qui nayant pas esté
iugé à propos par le Conseil de Guerre qui le
tint ce iour la en vne Maison d’vn Fauxbourg
d’Orleans en presence de Mademoiselle, le dernier
luy en fit des plaintes dans la Chambres,
& comme il passoit par l’antichambre rencontrant
Monsieur le Duc de Beaufort, il luy dit
qu’il trahissoit Monsieur le Prince, à quoy le
dernier ayant respondu par vn dementy, ils mirent
la main à l’espée ce qui fit sortir Mademoiselle
& Madame de Fontenacq qui les separreent,
& en suitte la premiere les mit d’accord
& les fit embrasser.

Le septiesme iour d’Avril.

Le Duc de Sully receut auis à 11. heures du
soir par vn Courier expres que leurs Majestés
estoient arriuées, à Sully le soir du iour precedent
dent il fist part aussi tost à Son A. R.