Anonyme [1649], RELATION FIDELE DE CE QVI S’EST PASSÉ DE PLVS remarquable au Parlement. Depuis le 10. Feburier 1649. iusques au premier de Mars ensuiuant. , françaisRéférence RIM : M0_3170. Cote locale : E_1_38.
page précédent(e)

page suivant(e)

-- 11 --

trompe & cry public, ses biens saisis & anotez en la maniere accoustumée.
Cependant sera toute la vaisselle d’argent saisie & arrestée sur
ledit de la Vallette, pezée & portée à la Monnoye & cõuertie en especes
d’argent, & le prix mis entre les mains de Iean Baptiste Formes, &
Sebastien Cramoisy ou l’vn deux, pour estre employez aux frais de
l’armement & subsistance des guerres, par l’ordre de Messire Pierre
Viole Conseiller en la Cour, & President és Enquestes, & Charles de
la Grange Conseiller & Maistre des Comtes, le reste des meubles demeurans
saisis & mis en seure garde, & a esté la lettre mise es mains
des Conseillers Commis pour l’instruction dudit procez. Fait en Parlement
le quinziesme Febvrier 1649.

 

Signé, DV TILLET.

EXTRAICT DES REGISTRES DE PARLEMENT.

LA Cour toutes les Chambres assemblées, Ayant deliberé sur les affaires
presentes, & l’execution des Arrests d’icelle, a enjoint à tous
Officiers du Roy, Maires & Escheuins des Villes du ressort de ladite
Cour, mettre à execution les Arrests & ordres d’icelle qui leur seront
par elle enuoyez au nom du Roy, leur fait deffences de deferer à ceux
qui leur pourroient estre enuoyez au contraire. Fait en Parlement le
16. Février 1649. Signé, DV TILLET.

Collationné aux Originaux, par moy Conseiller
Secretaire du Roy & de ses Finances.

ARRESTS DE LA COVR DE PARLEMENT.

POVR L’OVVERTVRE DE LA CONFERENCE ET PASSAGES
des Viures & autres choses necessaires en cette Ville de Paris.

Du dernier Février & premier Mars mil six cens quarante-neuf

Du Dimanche vingt-huictiéme Février mil six cens quarante-neuf.

CE jour, la Cour, toutes les Chambres assemblées, Ayant
deliberé sur le recit fait le jour d’hier par Monsieur le Premier
President, de ce qui s’est passé à S. Germain en Laye,
en la Deputation faite vers le Roy & la Reyne Regente,
en execution de l’Arresté du 19. de ce mois & an, & de la Proposition



page précédent(e)

page suivant(e)