RELATION DE TOVT CE
qui s’est passé en la deputation du Corps de la
Milice de Paris, auec la Harangue de Monsieur
de Seue seigneur de Chastignonuille,
ancien Colonel. Et la réponse de Sa Majesté.
LE Corps de la Milice de Paris, connoissant la
necessité que la Ville auoit de la presence du
Roy, deputa quatre Colonels, quatre Lieutenans
Colonels, deux Capitaines, deux Lieutenans, deux
Enseignes de chaque Colonelle, & vn Bourgeois de
chaque Compagnie, faisant en tout deux cens quarante-neuf
personnes, pour rendre leurs deuoirs au
Roy, & le supplier de vouloir honorer sa bonne ville
de Paris de sa presence. Ayant eu auis que le Roy deuoit
arriuer à Saint Germain, partirẽt le Mardy 15. du
courant pour Ruel, & dans le chemin trouuerent
plus de deux cens Bourgeois à cheual qui se joignirent
à eux, auec lesquels estans arriuez au lieu,
Monsieur de Seue Chastignõuille premier Colonel,
receut lettre de Monsieur de Guenegaut Secretaire
d’Estat, qui luy donnoit auis de la part du Roy,
qu’il arriueroit à S. Germain le Ieudy, & qu’ils eussent
à s’y rendre le Vendredy, ce qu’ils firent partagez
en huict trouppes, pour marcher en ordre Militaire,
dont Sa Majesté ayant eu auis, le sieur Saintot
Maistre des Ceremonies, enuoya au deuant d’eux
vn Officier, pour leur dire que Sa Majesté desiroit