Monsieur le premier President à protesté
en son particulier au nom de la Compagnie
qu’elle estoit persuadée des bonnes intentions
de Monsieur le Prince, & estoit portée
comme elle a tousiours esté a prendre soing
de ce qui le regarde, & addressant la parole à
Monsieur le Duc d’Orleans, l’a encores invité
de travailler à l’accommodement, s’excusant
mesmes de déliberer, sur ce qu’il estoit
dix heures, & que l’affaire ne pouuoit pas se
terminer en cette matinée, & à promis de
continüer l’Assamblée Lundy, & les autres
iours.

Monsieur le Duc d’Orleans à tesmoigné
qu’il auoit fait iusques icy ce qui luy auoit
esté possible pour oster les deffiances à Monsieur
le Prince, mais que iusques à present il
ne l’auoit peu faire, & qu’il ne voyoit pas que
tant que les creatures du Cardinal Mazarin
seroient en credit, il pust l’obtenir.

Et est à remarquer que Monsieur le Duc
d’Orleans dans cette Deliberation à persuadé
toute la Compagnie, qu’il est entierement
amy à Monsieur le Prince.

Il faut aussi remarquer que l’escrit presenté
par les Gens du Roy, portoit que Monsieur