l’authorité du Roy dans son Estat, & qu’il
pouuoit dire en vn mot, estre la source fœconde
de la fœlicité publique. Mais que
les ennemis de son repos, & de son contentement,
trauailloient par des artifices
secrets, & dangereux, à former de nouueaux
& iniustes soupçons, qu’ils iettent
dans son esprit, pour corrompre les
bonnes dispositions, qu’il a de se rendre
prés du Roy pour le seruir auec
la fidelité, & l’obeissance qu’il luy
doit.

Mais par ce que ledit sieur premier President
ne s’estoit pas souuenu de declarer que
l’esloignement desdits sieurs le Seruient, le
Tellier & Lyonne, n’estoit point simulé,
mais veritable ; Monsieur le Duc d’Orleans
rappella sa memoire, & fit connoistre la necessité,
qu’il y auoit d’en charger le registre,
tant pour la seureté du public, que pour
celle de Monsieur le Prince.

Et par ce qu’aussi Monsieur le premier
President auoit adiousté à la Relation de
Monsieur le Chancelier, que le vœu de la
compagnie estoit, que Monsieur le Prince