se faisoit ainsi declarer indigne du nom & de la dignité
dont ses actions l’ont rendu l’opprobre ; Sa
Saincteté pour faire voir que comme Pere commun
elle sçait aussi bien discerner, & recompenser
les vertueux que punir les coupables, donna vn
nouueau sujet de réjouïssance à toute cette Ville, &
principalement à nos François, par la Promotion
qu’elle fit de Monseigneur le Coadjuteur de Paris
au Cardinalat ; Les merites de ce grand Prelat estant
tellement estimez en cette Cour, que malgré les
obstacles & les brigues, que l’enuie luy a suscitez
depuis neuf mois, qu’il a esté nommé à cette dignité ;
Il a esté enfin promeu par sa Saincteté le Mercredy
vingtiesme de ce mois, au grand contentement
de tout le Sacré College ; lequel plusieurs Cardinaux
firent paroistre le soir de ce mesme iour par
les feux de ioye qu’ils firent allumer en plusieurs
endroits de cette Ville ; Les trois Parisiens que vous
connoissez & moy, n’obmismes aussi rien de ce
qui est icy en nostre pouuoir, pour bien celebrer
le iour de cette Promotion, dont ie vous aurois
mandé plus expressement les particularitez : Comme
aussi les noms de ceux qui ont estez Promeus en
mesme temps, si le Courier qui vous en va porter
la nouuelle ne m’obligeoit de finir cette Lettre, &
de vous protester que le Climat de Rome n’a pas
changé le dessein que i’ay fait d’estre toûjours,

MONSIEVR,

Vostre, &c.

A Rome le Ieudy
24. Fevrier 1652.