Anonyme [1649], RELATION DE CE QVI S’EST PASSÉ A PARIS, Depuis l'enleuement du Roy Jusques à present. Enuoyée aux Prouinces. , françaisRéférence RIM : M0_3117. Cote locale : B_1_18.
page précédent(e)

page suivant(e)

-- 7 --

Nous ne doutons pas, que les pernicieux conseils du Cardinal Mazarin
estans venus à la connoissance de toute la France, & ses crimes
notoires à vn chacun, ils ne soient condamnés par Arrest dans tous
les Parlemens, pour affermir d’vn consentement general l’auchorité
Royale, & la liberté legitime de tous les sujets de sa Majesté. Nous
croyons aussi que toutes les Villes de leur ressort seront dans les mesmes
sentimens d’amour pour l’Estat que plusieurs du nostre qui se declarent
tous les iours. C’est le moyen de preuenir l’intention qu'a ce
mauuais Ministre, de nous jetter dans vne guerre ciuile, pour perdre
l’Estat auec luy.

La resistance non preueuë qu’il a trouué à son entreprise, l’oblige à
present de joindre l’artifice & le mensonge à la force ouuerte; il fait
escrire par tout que nous sommes reduits a la derniere extremité de famine,
afin que ceux qui nous voudroient secourir [1 mot ill.] sujet de desesperer
de leur diligence ; il public qu’il y a de la diuision entre nous, &
que nous manquons de toutes les choses necessaires pour soustenir la
guerre, & particulierement d’argent. Ainsi nos ennemis employeur
malicieusement contre nous, ce que nous sçauons d’eux auec asseurance
par leurs propres Lettres interceptées, & par ceux qui les quittent
pour ce sujet, & viennent tous les iours prendre party dãs nostre armée.

Dieu nous a donné suffisamment dequoy viure long-temps sans necessité,
de l’argent & des munitions pour entretenir la guerre plus
de mois qu’ils ne la peuuent soustenir, & l’vnion du Peuple auec tous
les ordres de cette Ville est si grande, que l’on ne peut pas voir vne
plus parfaite intelligence. Le Parlement seul a fourny vn million de
liures, & toutes les autres Cours & Compagnies à proportion. Outre
cela l’on a trouué de grandes sommes de finances recellées par les Partisans
& gens d’affaires, & nous auons arresté tous les deniers publies :
Si bien que nous auons dequoy soustenir cette guerre, en laquelle on
nous a jettés par necessité, & la continuer & conduire sans fouler le
public. Il n’en est pas de mesme dans l’autre party, les soldats qui sont
pour la pluspart estrangers ne sont point souldoyez, & l'on leur
abandonne inhumainement le pillage de la campagne, ils y sont par
tout des cruautez qui ne se peuuent descrire, & que la [1 mot ill.] aura
peine de croire.

Les Suisses ont par vn acte solennel entr’eux declaré, qu’à saute de
leur payer des sommes notables qui leur sont deuës du passé, & ausquelles
il est impossible de satisfaire, ils se ietireroient en leur pays, &
ont enuoyé en Cour exprés pour demander leur congé. Et il n’est pas
possible au peu de troupes du Cardinal Mazarin, de garder & deffendre
differens postes en mesme temps.

Nous allons mettre en campagne, & nous ne doutons pas qu’en
cette occasion toutes les Villes ne desnient l’assistance que l’en leur



page précédent(e)

page suivant(e)